លោក សួ ប៉ុណ្ណារ៉ាត់ និង លោក ហៃ សុគន្ធា​ ជាតំណាងដ៏ខ្ពង់ខ្ពស់​ឯក​ឧត្តម​បណ្ឌិត ផុន កសិកា ប្រធាន វ.ម.វ.ស នៃ រ.ប.ស.ក​ ចូលរួម​ដាំកូនឈើនៅឧទ្យាន​​រាជបណ្ឌិត្យ​សភា​​កម្ពុជា តេជោសែន ឫស្សីត្រឹប

ខេត្តព្រះវិហារ៖ ថ្ងៃអាទិត្យ ទី៥ ខែកញ្ញា ឆ្នាំ២០២១ លោក សួ ប៉ុណ្ណារ៉ាត់ និង លោក ហៃ សុគន្ធា ត្រូវបានចាត់តាំងជាតំណាងឯកឧត្តមបណ្ឌិត ផុន កសិកា ប្រធានវិទ្យាស្ថាន​មនុស្សសាស្ត្រនិងវិទ្យាសាស្ត្រសង្គមនៃរាជបណ្ឌិត្យសភាកម្ពុជា បានចូលរួមក្នុងពិធីដាំកូនធ្នង់ចំនួន៤០០០ ដើម នៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្ថិតក្នុងឃុំឆែប១ ស្រុកឆែប ខេត្តព្រះវិហារ ក្រោមអធិបតីភាពឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និង ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ។សូមជម្រាបដែរថា នៅបរិវេណឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប មានបន្សល់នូវបេតិកភណ្ឌវប្បធម៌រូបីដែលជាឡស្លដែកចំនួន៥៤ទួលឡធំៗ ហើយឡទាំងអស់នោះមានអាយុកាលតាំងពីសតវត្សទី១១។ក្រៅពីបណ្ដុំឡស្លដែកជាច្រើន នៅតំបន់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ជាទីជម្រករបស់ក្រុមជាតិពន្ទុមួយក្រុមគឺ ជនជាតិកួយ។ រឹតតែពិសេសនោះ ជនជាតិកួយដែលរស់នៅតំបន់នោះនៅតែរក្សាបានប្រពៃណី «វាយខែល» ដែលក្រុមពួកគេប្រកួតវាយខែលជារៀងរាល់ជិតដល់ចូលឆ្នាំថ្មី ឬ ក្នុងពេលចូលឆ្នាំថ្មីតែម្ដង។

Be the first to comment

Leave a Reply

Your email address will not be published.


*