បទពិសោធន៍គួរឱ្យចងចាំនៃ ជីវិត​ដឹក​នាំនិងគ្រប់គ្រងអង្គភាព

ឯ. ឧ. បណ្ឌិត អ៊ុំ ប៉ុម    

ជំនួយការ រាជបណ្ឌិត្យសភាកម្ពុជា

            សេចក្តីផ្ដើម​

ជាធម្មតា ក្នុងជីវិតសកម្មភាពការងាររបស់មនុស្សយើងម្នាក់ៗ ទោះបីអ្នកនោះ​ជា​​ជន​សាមញ្ញក្តី ឬក៏ជាអ្នកទទួលខុសត្រូវស្ថាប័នណាមួយក្តី ច្រើនឬតិច តែងតែទទួល​បាននូវលទ្ធផលជាផ្លែផ្កាពីជីវិតបំពេញការងារ ដែលរូបគេម្នាក់ៗបានឆ្លងកាត់។

លទ្ធ​ផល​ទាំងនោះមានទាំងល្អផងនិងអាក្រក់ផង ហើយត្រូវបានសាមី​ខ្លួនជា​អ្នក​​អនុវត្តផ្ទាល់ ចាត់ទុកថាជាមេរៀនពិសោធន៍ដ៏មានតម្លៃប្រចាំ​ជីវិតដែលគួរ​គប្បីចៀស​វាងឬក៏ទទួលយកមកប្រើប្រាស់បន្តទៅទៀតដោយធ្វើការកែលម្អនិងបំពេញបន្ថែមនូវចំណុចខ្លះ ដើម្បីអនុវត្តការងារតទៅមុខទៀត ឲ្យមានប្រសិទ្ធភាពក៏ដូចជាចែករំលែកនូវ​ចំណេះ​ដឹងចំពោះអ្នកដទៃបានជ្រួតជ្រាបជាសាធារណៈ។

ដូច្នេះអ្វីៗដែល ប្រិយមិត្តអ្នកអាន​បានឃើញជាបន្តបន្ទាប់ទៅទៀតនេះ គឺជាបទ​ពិសោធន៍ការងារដែល​ខ្ញុំធ្លាប់បានជួប​ប្រទះក្នុងឆាកជីវិតជាអ្នកដឹកនាំនិងគ្រប់​គ្រង​អស់​រយៈពេល៣៥ឆ្នាំកន្លងផុតទៅ មុនពេល​ដែលរូបខ្ញុំក្លាយខ្លួន ជានិវត្តជនដូចសព្វថ្ងៃ។ សូមអានខ្លឹមតសារទាំង​ស្រុងដូចតទៅ៖