ប្រាសាទព្រហ្មញ្ញសាសនា និង វត្តពុទ្ធសាសនា នៅកម្ពុជា

ប្រាសាទនៃព្រហ្មញ្ញសាសនា និង វត្តនៃពុទ្ធសាសនា៖កម្ពុជាជាប្រទេស​គោរព​​ប្រណិ​​​ប័តន៍​សាសនា (ទាំងសាសនាព្រហ្មញ្ញ និង សាសនាព្រះពុទ្ធ) យ៉ាងខ្ជាប់​ខ្ជួនណាស់តាំងពីបុរាណ ដល់បច្ចុប្បន្ន។ដើម្បីគោរពប្រណិប័តន៍សាសនាទាំងពីរ យើង​ឃើញមានំណង់សាសនាដូចជា ប្រាសាទសម្រាប់ព្រហ្មញ្ញសាសនា ផ្ទុយ​ទៅវិញ​សំណង់​​​​វត្តអារាមសម្រាប់ពុទ្ធសាសនា។នៅកន្លែងច្រើនគួរសមដែរ ដែលភាគច្រើនជា​ទីបុរាណកាល អាចចាប់តាំងពីសតវត្សទី៤-៥ មានសំណង់ទាំងពីរប្រភេទ​នៅឈរ​ក្បែរៗ​គ្នា គឺប្រាសាទនិងវិហារវត្ត។

ដូចករណីមួយក្នុងខេត្តកំពង់ឆ្នាំងដែលខេត្តមានស្លាកស្នាមប្រវត្តិសាស្ត្របុរាណណាស់ រហូតដល់បុរេប្រវត្តិសាស្ត្រ (ស្ថានីយសំរោងសែន) មានប្រាសាទសង់ពីឥដ្ឋដ៏​ស្រស់ឆើត​ស្ថិតក្នុងវត្តជាប់នឹងព្រះវិហារ។នេះបង្ហាញថា ប្រាសាទនិងវត្តមិនទៅណាឆ្ងាយពីគ្នាទេ គឺទីណាជាទីសក្ការៈសក្ដិសិទ្ធិ ខ្មែរមិនងាយបោះបង់ ហើយសង់សំណង់ថ្មី (វត្ត) នៅក្បែរ​នោះ (ប្រាសាទ) សម្រាប់បន្តគោរពបូជា។ ការណ៍នេះគឺជាការរក្សាកេរ​ដំណែលវប្បធម៌​ឲ្យនៅបន្ត ប៉ុន្ដែក៏បង្កើតឲ្យមានផលប៉ះពាល់ដល់កិច្ចការអភិរក្សប្រាសាទ​បុរាណ​ផង​ដែរ។

Be the first to comment

Leave a Reply

Your email address will not be published.


*