កម្មវិធីសិក្ខាសាលា

សិក្ខាសាលាផ្សព្វផ្សាយលទ្ធផលស្រាវជ្រាវ គឺជាផ្នែកមួយនៃសកម្មភាពរបស់ កសវមវស ក្នុងការចែករំលែកចំណេះដឹង និងលទ្ធផលស្រាវជ្រាវទៅកាន់អ្នកសិក្សា សាធារណជន ក៏ដូចជាអ្នកស្រាវជ្រាវនានា។ ក្រុមការងារកាលិកបត្ររបស់វិទ្យាស្ថានមនុស្សសាស្រ្តនិងវិទ្យាសាស្រ្តសង្គម បានផ្តួចផ្តើមនូវសិក្ខាសាលាឬវេទិកាវិទ្យាសាស្រ្តរៀងរាល់ឆ្នាំ។ សិក្ខាសាលានេះមានឈ្មោះជាផ្លូវការថា “សិក្ខាសាលាមនុស្សសាស្រ្តនិងវិទ្យាសាស្រ្តសង្គម” ដែលត្រូវបានរៀបចំឡើងប្រចាំឆ្នាំក្នុងអំឡុងខែធ្នូរៀងរាល់ឆ្នាំ។

ក្រៅពីការបង្ហាញនូវលទ្ធផលស្រាវជ្រាវដែលបានបោះពុម្ពក្នុងកាលិកបត្រ កសវមវស សិក្ខាសាលានេះក៏ស្វាគមន៍ផងដែរចំពោះវត្តមានរបស់និស្សិត និងអ្នកស្រាវជ្រាវទាំងឡាយដែលមានបំណងធ្វើបទបង្ហាញលទ្ធផលស្រាវជ្រាវរបស់ខ្លួន ឬបង្ហាញអំពីដំណើរការនៃការស្រាវជ្រាវ​ក្នុង​គម្រោងណាមួយរបស់ខ្លួន។

និស្សិត និងអ្នកស្រាវជ្រាវដែលមានបំណងធ្វើបទបង្ហាញលទ្ធផល ឬដំណើរការស្រាវជ្រាវនានារបស់ខ្លួន អាចទំនាក់ទំនងមកកាន់ក្រុមការងារបច្ចេកទេសរបស់កាលិកបត្រតាមទំនាក់ទំនងខាងក្រោម ឬអាចបំពេញទម្រង់ព័ត៌មានសម្រាប់ស្នើសុំចូលរួមធ្វើបទបង្ហាញនៅខាងក្រោម។

សកម្មភាពសិក្ខាសាលាឆ្នាំទី១ លើកទី១

ទំនាក់ទំនង៖ វិទ្យាស្ថានមនុស្សសាស្រ្តនិងវិទ្យាសាស្រ្តសង្គម

  • មហាវិថីសហព័ន្ធរុស្ស៊ី អគារខេមរវិទូរ ជាន់ទី២ នៃរាជបណ្ឌិត្យសភាកម្ពុជា
  • ទូរស័ព្ទ/តេឡេក្រាម៖ (+855)99-781-184
  • ទូរសារ៖ cjihss.academy@gmail.com
  • គេហទំព័រ៖ https://ihss.rac.gov.kh/ihss-journal/